Төслийн нэр: УДЭТ-ыг сэргээн засварлах төсөл
Санаачлагч, Захиалагч: Супер барилга ХХК, УДЭТ
Байршил: УБ, СБД, 1-р хороо
Хүчин чадал: 2000м2
Ажлын төрөл: Интерьер, Экстерьер дизайн
Огноо: ©2014-2015
#УДЭТ #state_drama_theatre #rennovation #project #superbarilga #dinnovationllc #oldwork #oldarchitecture
УДЭТ-ын товч танилцуулга
• 1931 оны 11 сарын 12-ны өдөр “Улсын төв театр” байгуулагдсан бөгөөд ОХУ-аас театрын найруулагч, багш, зураач, хөгжмийн зохиолчдыг урьж нэг жилийн хугацаатай курс нээн ажиллуулсанаар С.Буяннэмэхийн “Үнэн” жүжгээр нээлтээ хийн орчин үеийн мэргэжлийн театр үүд хаалгаа нээсэн билээ.
• Бөмбөгөр ногоон буюу “Улсын төв театр” нээгдсэнээр “Учиртай гурван толгой”, “Харанхуй засаг”, “Харц Дамдин хатан Долгор” гэх мэт ахуй байдлын, ёгтлол шүүмжлэлийн, улс төрийн үзэл суртал ухуулгын олон уран бүтээлүүдийг үзэгч олонд толилуулж эхэлсэнээр хөгжсөөр улмаар гадаадын орнуудад айлчлан тоглолт хийж, дэлхийн сонгодог жүжгүүдийг тайзнаа амилуулсан юм.
• Өөрчлөн байгуулалтын үеэс их театрын үйл хэргийг нуруундаа үүрч явсан, үүрсээр яваа үе үеийн уран бүтээлчид шинэлэг сэтгэлгээгээр уран бүтээлээ туурвисаар байна.
Төслийн үндэслэл
• Урлаг нь хүний ертөнцийг үзэх үзлийг бүрдүүлэхэд чухал үүрэг гүйцэтгэдэг. Урлагын бүтээлээр дамжуулан хүн өөрөө өөрийнхөө мөн чанарыг ойлгон, сэтгэлийн гэмээ ухааран, амьдралын тухай ойлголтоо баяжуулж байдаг.
• Тайзны бүтээлд жүжигчдийн ур чадвар, зохиолын утга санаанаас гадна тайз засал, хөгжим дуу, зураг чимэглэл, хувцас, нүүр хувиргалт зэрэг нь хамгийн чухал зүйлс байдаг. Өөрөөр хэлбэл энэ нь цогцоороо төгс байж хүний таашаалд нийцсэн гайхамшигтай бүтээл болдог юм.
• Гэтэл одоогийн Улсын драмын эрдмийн театр нь 1950 онд байгуулагдсанаас хойш орчин үеийн шаардлагад нийцсэн театрын засварын ажил огт хийгдээгүй билээ. Тиймээс эхний ээлжинд театрын дотоод засал чимэглэл, тоног төхөөрөмжийг засварлах, шинэчлэх зайлшгүй шаардлагатай болоод байна.